نكت المبوقين
المبوقين و المراية
هادو جوج مبوقين جالسين قدام المراية، و هي يقول واحد فيهم لصاحبه: شوف هادوك الجوج اللي جالسين قدامنا ناض صاحبه و قال ليه: بلاتي نشوف أش كيديرو و هو يقول ليه لاخور: غير جلس. ها واحد فيهم جاي عندنا
ياك ما مات
واحد مول الطاكسي كان راكب عندو واحد خينا مبوق ملي ضرب واحد الراجل مول الطاكسي مخلوع قال للمبوق: نزل أخويا الله يرحم باك شوف ياك ما مات نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه
ماتش مباشر
هادا واحد مبوق جالس ف القهوة مع الدراري كيتفرجوا ف ماتش مباشر الناس داخلين مع الماتش غوتو: دابا يتماركا البيت اللول، وفعلا تماركا شوية ناضو تاني: دابا يتماركا البيت التاني، وشوية تماركا البيت خينا اللي مبوق طلع ليه الدم وهي يقول ليهم: خوتي، اللي فايت ليه شاف الماتش يسكتنا الله يرحم بّاكم
المبوق و الخفاش
هادا واحد مبوق شد واحد الخفاش و بدا كيضحك. سولوه علاش كيضحك, قال ليهم :هادي أول مرة نشوف فار لابس عباية
فين كنتي؟
واحد سكران رجع للدار مع الخمسة د الصباح. حلت ليه بنتو وهو يقول ليها: فين كنتي حتال هاد الوقت؟ رجعي فين كنتي! هو يسد عليه الباب وبات ف الزنقة
اللغز ديال واحد مبوق
هادا اللغز ديال واحد مبوق : إيلا كانت الطوموبيل كتمشي ب ستين كيلومتر ف الساعة ، شحال من حمامة طايرة ف السما إيلا كانت بيبسي ب عشرة د الدراهم؟
حزام السلامة
قررت شرطة المرور تكافئ كل واحد داير حزام السلامة لقاو واحد مبوق سايق طوموبيلتو وداير الحزام، وعطاوه 2000 درهم وسولوه: أشنو غادي تدير بهاد الفلوس؟؟ قال ليهم: نزيد عليهم ونمشي ندوز بيهم لبيرمي
ربعة د الشجرات
واحد الولد سول باه: كيفاش نعرف واش الواحد سكران؟ قال ليه باه: السكران أولدي غادي يقول ليه راه هادوك ربعة د الشجرات ماشي جوج منين تلفت الولد فين شير باه وهي تبان ليه غير شجرة وحدة