نكت المكلخين
الحفرة
هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار هدر واحد اخر: نريبوا داك السبيطار، ونبنيو واحد اخر ناض واحد قال ليهم: وا لا! خاصنا نسدو هاديك الحفرة... ونحفروا وحدة أخرى قدام السبيطار
الما القاطع
واحد مكلخ دار إيدو ف الما القاطع و دابت ليه. هو يدخل راسو باش يقلب عليها
غادي تسكتي أولا
مكلخ خطف مكلخة ودارها ف الطوموبيل. البنت بدات كتغوت قال ليها المكلخ: غادي تسكتي أولا غادي تنزلي قالت ليه: لا صافي هاني سكت
حضر التجول
هادي واحد لمدينة ديال المفروحين. واحد النهار دارو الشغب و دار ليهوم البوليس حضر التجول ف الليل. مللي طاح الضلام، خرجوا كاملين يشوفوا هاد حضر التجول
كون غير جبت التلفزة
واحد مكلخ موصلينو دارهم للمطار. الطريق كامل وهو كيقول: كون غير جبت التلفزة... كون غير جبت التلفزة مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟ قال ليهم: حيت خليت الباسبور فوق منها
مظاهرة د المكلخين
رباعة د المكلخين دارو مظاهرة ناضوا لبّسوا واحد فيهم الماسك ديال بوش وحرقوه
مكلخ شد الدكتوراة
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة. قالت ليه مرتة: دق على الخشب. الراجل دق على الطبلة. و هي تقول مرته: شكون؟ قال ليها: جلسي نتيا، أنا نمشي نطل شكون
الراجل والحفرة
راجل معقول كان غادي وطاح ف حفرة ناض منها وشاف قدامو وهي تبان ليه حفرة أخرى وقال: أوووف هنطيح عوتاني