نكت المسمومين
المسموم رئيس البوليس
واحد مسموم عينوه رئيس د البوليس. أول حاجة دارها ناض بدل رقم الطوارئ من 190 ل 08397287873902982
المسموم و الأيتام
واحد المسموم اتصل بالراديو و أهدى أغنية بابا فين للأيتام ف عيد الأب
مول فران مسموم
واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز قال ليه مول الفران المسموم: راه مداقو هو هو، ما تبدلش
المسموم منين مات باه
واحد المسموم صور بّاه و هوما كيدفنوه، و كل نهار كيخدم الكاسيطة لأمه
حمامة ولا غزالة
هادا واحد قال لمرته: انتي حمامة قالت له: لا، أنا غزالة قال لها: واخا. المهم حيوانة
المسموم مول الطاكسي
واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور
شربي الما ونعسي
هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم. رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي
She has
أستاذ ديال الإنجليزية قال لواحد التلميد: دير ليا She has في جملة مفيدة قال ليه التلميذ : شي هاز اللحم وشي هاز الهم